秋香 (黃金海岸商場) (已結業)

放假同男朋友去黃金海岸沙灘玩，中午食左呢間高質黃店，佢地既煲仔飯係屯門名物，當中以白鱔煲仔飯最受歡迎😆星期日中午1點去，唔洗等位就有得入，店內座位唔太多，會有戶外位，野食質素高，出餐速度都幾快。❀味噌湯&漬物❀味噌湯味道唔太鹹，海帶份量多，仲有少少腐皮，漬物就係酸酸地既醃蘿蔔。❀秋香鹽燒白鱔煲仔飯❀呢度最出名既煲仔飯，白鱔大大舊厚肉又無骨，燒完之後零舍香口，肉質有少少彈牙咁。雖然唔係用瓦煲，但依然有好多飯焦😋❀秘製蒜辣牛粒煲仔飯❀覺得呢個有少少似大排檔既鑊氣小炒咁，但就用上煲仔飯上，賣相好吸引，牛肉粒份量都幾多，充滿蒜香，連埋蛋汁一齊食好惹味。❀西柚檸檬話梅伯爵茶❀味道酸酸地，好似話梅味水果茶咁，飲完解渴生津，好健康咁，點茶類可以有靚茶壺+茶杯💕❀自家桂花雪梨蜜❀呢款幾有驚喜，味道唔太甜，飲完個口會有少少雪梨+桂花既香味。