一浩 (已結業)

最近發現原來黃金海岸附近仲有其他餐廳就過黎試下，去到嘅時候發現附近環境真係唔錯！門口對正個海，坐係露天食野都係一個唔錯嘅享受！餐廳環境都好好，空間闊落完全冇左平時嘅壓逼感，黎到尼到成個人都開始進入放鬆嘅狀態作為一個專業吃貨，第一眼睇到師傅就知道尼間餐廳水準唔差，我一個人就叫左三件壽司，兩串串燒同埋一個石鍋飯雖然地點較為偏僻，但依然可以感受到食材嘅新鮮，而且魚生都非常肥美，特別係三文魚腩壽司，食完之後成個嘴都係魚油嘅味道去到串燒個部分，個燒牛肋骨串真係十足嘅牛味！juicy程度可以比足十分，最後嘅石鍋飯，雖然整體餐廳睇落係日式餐廳，但估唔到可以食到超好食嘅雞肉泡菜飯，唯一可以挑剔嘅就係泡菜辣左小小，我尼個可以食到辣嘅人就覺得OK，但搶左雞肉嘅味道仲有就係尼到嘅侍應都十分細心，每次啱啱飲完杯茶，就有人過黎fill，沒食完一道餸就會幫手收走，唔會俾個檯面有空碟，影響接落黎上菜，整體而言一浩係一間值得一試嘅餐廳，食完飯仲可以係附近嘅黃金海岸到行下，豈不是十分寫意！