影片
更多
2006-05-31
4 浏览
黃金海岸最近有超值新package,比個藉口同自己慶生日同放鬆一下,就黎左度玩左2日1夜。今次個package送自助早餐同半價食dinner buffet,齋食野都抵番晒,今次仲免費upgrade上露台海景房,happy happy!!其實dinner buffet唔算太多選擇,尤其係熱盤,可能今期主打海鮮燒烤,拎住幾支簽出去吃燒烤都飽左幾成。洋蔥湯/蘋果嚮螺煲山斑魚湯:中湯比西湯好飲,好鮮甜,但要早d飲,因為後期會加水再煲,味道淡好多。冷盤:肴肉、豬耳批,質素普通,可以不理!有即開生蠔但無吃;凍蝦夠爽口大隻而且軟殼,ok;泰式酸辣鳳爪唔得,無味的!!魚生:三文魚生超新鮮靚仔!!加埋北寄貝,yummy yummy!八爪魚就差d,無味又un;魚生檔姐姐好闊佬,比左三片北寄貝/五片三文魚!!熱盤:芝士菠菜焗蠔唔腥,好香但漏;雞翼煮得好香又肥美;蕃茄龍利魚,味道ok但孩;淮山炒海鮮d蝦仁好大好爽,夠清淡。燒烤:咸魚炒雜菜(1支簽)炒得超香,菜新鮮任揀,好好玩;帶子皇(2支簽)好大隻,芝士汁好香,但2支簽又好似唔多抵,蠢左!!冬菇雞肉串(一支簽)呢個超級得!!2大串嫩嫩雞肉加上甜辣味燒汁,睇個
其實dinner buffet唔算太多選擇,尤其係熱盤,可能今期主打海鮮燒烤,拎住幾支簽出去吃燒烤都飽左幾成。
洋蔥湯/蘋果嚮螺煲山斑魚湯:中湯比西湯好飲,好鮮甜,但要早d飲,因為後期會加水再煲,味道淡好多。
冷盤:肴肉、豬耳批,質素普通,可以不理!有即開生蠔但無吃;凍蝦夠爽口大隻而且軟殼,ok;泰式酸辣鳳爪唔得,無味的!!
魚生:三文魚生超新鮮靚仔!!加埋北寄貝,yummy yummy!八爪魚就差d,無味又un;魚生檔姐姐好闊佬,比左三片北寄貝/五片三文魚!!
熱盤:芝士菠菜焗蠔唔腥,好香但漏;雞翼煮得好香又肥美;蕃茄龍利魚,味道ok但孩;淮山炒海鮮d蝦仁好大好爽,夠清淡。
燒烤:咸魚炒雜菜(1支簽)炒得超香,菜新鮮任揀,好好玩;帶子皇(2支簽)好大隻,芝士汁好香,但2支簽又好似唔多抵,蠢左!!冬菇雞肉串(一支簽)呢個超級得!!2大串嫩嫩雞肉加上甜辣味燒汁,睇個樣已經覺得好味,原來真係好味到爆,超級推介!!
椰皇燉蛋白(1支簽)睇個樣都ok,大人食左2個,佢話幾香滑,好香椰皇味。
甜品:豆腐花幾滑,夠熱;窩夫麻麻,只有個殼無乜實在感;蛋糕甜點外型幾靚,但唔覺好吃,件cream cake質地好濕,怪怪!反而藍莓芝士餅幾夠實在,餅底幾香,呢個ok!!
生果:西瓜菠蘿超甜,食到唔停得口!!
papagallo雪糕/枝裝可樂任飲,正正正!!餐後仲有咖啡或茶!十一成飽,連免費泰式湯河宵夜都食唔落。
**********************************************
早餐BUFFET又係好多選擇,西式、中式、泰式、新加坡都有!
西式:芝士、麵包、蛋糕、酥餅一應俱全,煎蛋檔哥哥仔煮既炒蛋幾滑,手勢唔錯!熱盤仲有煙肉、火腿、迷你豬柳、煎蛋白,烘塊麵包,自製公司三文治!!
中式:點心好正,蝦餃、燒賣好新鮮,唔係公仔/叮叮貨色,正!!生煎包都幾好,但稍多肥肉;有即煮粥但無食,煎腸粉煎得香脆,加上混醬,真好味!!
泰式:泰式湯河只有一種金邊粉選擇,夜晚就仲有米粉揀;豬肉丸、牛丸各一,加上生菜、芽菜,湯底味道唔錯,好香!再加上大量配料(香蔥、炸蒜片...)任加,呢款湯河好受歡迎。
新加坡: 辣魷魚齋吃好辣,應該加埋香飯會好好多;炒蘿蔔糕,夠惹味但用個蓋cup住,所以比較淋身唔夠香口。
飲品:全脂/脫脂十字牌盒裝屋仔奶、楊協成豆奶、各式yogurt;果汁、咖啡或茶無限添飲!最正係有即磨咖啡,味道當然會比咖啡壺個d正,雖然都唔算太香,但都ok啦。
生果:繼續超甜菠蘿、西瓜!
幾年前都係呢度食過buffet,當時唔太滿意,今次質素提高左好多,而且侍應有禮貌又快手,唔錯!
张贴
