木衛二鑄茶所 (怡和街) (已結業)

坊間飲開好多珍珠奶茶店好多都係用奶粉去沖，即使加錢轉用鮮奶都總係覺得欠缺茶香味🤔！今日行過怡和街見到一間貼滿「香港加油」字句嘅珍珠奶茶店，作為香港人梗係要入去支持吓💪🏻～餐牌上面有林林總總嘅選擇，淨係茶底選擇都已經有 4-5 種，今次我就揀咗店長推介嘅「奶霜觀音」！第一啖先飲咗鋪喺茶面濃濃嘅奶霜，比起 X茶 嚟講相對無咁甜而且奶香味濃郁更多，後尾爬返文先知原來佢地係用法國鐵塔牌嘅 Cream and Cheese 去製作奶霜，誠意十足啊😋！