大渣哥茶記 (已結業)

話說早前渣哥推出黃芝丼，作為一名芝士控，當然要去試一試。可能係因為期間限定，這名菜並未出現喺大餐牌上，而是有自己既獨立小餐牌，餐牌還標明，凡訂閱「黃之鋒Patreon」，只要落單前出示手機證明，每人每次都可以半價$24享用黃之丼冠名贊助既「黃芝丼」一客。呢個價錢應該係全餐廳CP價最高的一個飯。可能因為日本文化，好多人對芝牛丼都有偏見，但如果你跟小弟一樣本身已經好鍾意牛肉飯既芝士控，呢個飯絕對唔會令你失望。首先個賣相已經不俗，剛溶化的芝士所散發的香氣也溶化了我的心，味道比一般牛肉飯高上一個層次，為微涼既天氣送來暖笠笠的感動。順帶一提，黃芝丼只會在下午茶時段推出，要試的話要睇時間，同埋呢個飯唔送飲品，如要飲品需要另購。順順帶一提，試之前不忘先訂閱「黃之鋒Patreon」，唔好睇佢價錢有少少貴，裏面既文章好高質。