Chopsticks Fork n Knife (CFK) (已結業)

自南港島線開通後，越來越多人到黃竹坑覓食！是日難得一到黃竹坑就搵下有咩食吧！偶然間發現呢個Chopsticks Fork n Knife，近近地就在港鐵站隔離，所以就決定試一試佢！▼門面睇落唔算好吸引，但入到去空間感唔錯，晚餐時份只有我同男朋友，同包場無分別▼呢度野食都算多元化，有日式，中式，西式等等，價錢大約為$90-110，另外飲品方面亦都幾多選擇，仲有酒精類飲品供應▼今次叫左「藍碟花檸檬愛玉梳打」同「荔枝愛玉梳打」！「愛玉」份量好多，跟餐可用半價加配，以半價黎講算值回票價。 ▼正餐我地叫左「日式牛肉便當」，睇落好似好少咁，但其實食落好飽！牛肉份量多，脂肪比例較少，但係依然保持軟熟口感，送白飯一流！另有配菜芝麻醬沙律、日本漬物，同埋兩粒士多啤梨口味嘅糯米糍做甜品！ ▼另外就係「菠菜蟹肉意大利飯」，都算Creamy，不過稍嫌咸左少少，如果蟹肉份量可以再多啲就更完美！小總結：食物中規中距，雖然有多國款式，不過每款種類唔算多，如果可以再多點選擇就更好！但因為「包場」既關係，都坐得非常之舒服，岩曬談心。