影片
更多
2016-07-31
1251 浏览
朋友古古惑惑話帶我去一間酒店餐廳食飯。太子D出口轉個灣就到。但去到門口係中式設計，我仲以為朋友開玩笑，原來餐廳係食西式兼係酒吧，都幾fusion!先叫幾杯cocktails : 《nothing (vodka, malibu, melon,pineapple juice) $65》- 酒味唔濃，容易入口，果汁味重令人一飲而盡，哈哈。《Hurrican (whisky,fresh lemon,cocao,gin) $65》- 藍色有層次感好靚，但因為有gin & whisky, 所以酒味會濃烈d。《blue hawaii (bacardi,caracao,pineapple juice)$65》- 呢杯都係藍色但顏色分佈平均。呢杯果汁味香d, 適合女士。《screw driver (vodka,orange juice)$65》- 呢杯橙色中和返vodka既烈酒味，甜甜的，亦都係女士之選。先嚟個沙律：《煙三文魚凱撒沙律 $78》- 三文魚比少，但煙薰味道都唔錯，有魚脂香；沙律醬分開上，客人選擇點幾多；沙律菜新鮮。頭盤時間：《蜜瓜巴馬火腿 $98》- 蜜瓜超爽超甜，讚！巴馬火腿份量多，而且
朋友古古惑惑話帶我去一間酒店餐廳食飯。太子D出口轉個灣就到。但去到門口係中式設計，我仲以為朋友開玩笑，原來餐廳係食西式兼係酒吧，都幾fusion!
先叫幾杯cocktails :
《nothing (vodka, malibu, melon,pineapple juice) $65》- 酒味唔濃，容易入口，果汁味重令人一飲而盡，哈哈。
《Hurrican (whisky,fresh lemon,cocao,gin) $65》- 藍色有層次感好靚，但因為有gin & whisky, 所以酒味會濃烈d。
《blue hawaii (bacardi,caracao,pineapple juice)$65》- 呢杯都係藍色但顏色分佈平均。呢杯果汁味香d, 適合女士。
《screw driver (vodka,orange juice)$65》- 呢杯橙色中和返vodka既烈酒味，甜甜的，亦都係女士之選。先嚟個沙律：
《煙三文魚凱撒沙律 $78》- 三文魚比少，但煙薰味道都唔錯，有魚脂香；沙律醬分開上，客人選擇點幾多；沙律菜新鮮。頭盤時間：
《蜜瓜巴馬火腿 $98》- 蜜瓜超爽超甜，讚！巴馬火腿份量多，而且脂肪唔多，係我喜歡食既類別；鹹度適中，同蜜瓜一齊食真係絕配。主菜時間：
《黑松露野菌雜菜意大利飯 $98》- 意大利飯既硬度適中，唔會煮到全稔，而係中間帶點硬度，算正宗。雖然黑松露野菌通常都好濃味同溜，但呢個就反而濃度適中，令人多食都唔覺得膩。
甜品時間：
《草莓鬆餅 $78 （1雪糕球+$8)》- 期待既鬆餅時間！本身跟一球雪糕，+$8 可加多一球，+$16 可加兩球如此類推。雪糕球圓碌碌十分筆廷，冷度十足！鬆餅焗得鬆脆，熱烘烘好香口，識食一定配上凍冰冰既雪糕一齊食。
张贴
