泰道 (已結業)

男友接收工，想食泰菜但又吾想成日都係去九龍城，於是search 來呢間，一落車環境好靚好舒服，侍應都係泰國人多，由於係平日去，所以人不多，好有泰國布吉海邊餐廳的氣氛。兩個人叫左炒金邊粉、串燒、小食拼盤同咖哩牛腩 加龍眼冰，價錢中上，份量不少 ，每一樣味道都不俗，炒金邊粉用料十足，串燒選左牛同雞燒得恰到好處加埋個有花生粗粒的沙嗲醬好惹味，咖哩牛腩香濃入味，遇岩時間有埋個黃昏美景，很好的用餐體驗，一定會再來。