影片
更多
2021-06-08
4157 浏览
💛💛💛那個💛💛💛排啊排，排左20分鐘終於有得食🥺。店員安排座位既方式好奇怪，佢地鐘意等有2-3張空枱先放人入去，所以成日都有空枱無人座，出面排晒大隊既情況😂。香酥台南蝦捲便當 $68古早白菜滷 - 都係個啲伴碟既涼菜🤣，好食！唔太鹹🥰。家常炒粉絲 - 啲粉絲多到我懷疑會唔會依個先係主菜🤟🏻，炒得幾乾身，唔錯。素麻婆豆腐 - 我唔係幾鐘意食豆腐，男朋友表示好好食😎。玉子燒 - 燒得幾好，有少少似日本玉子燒😍。本日涼菜 - 由於已經有超級多嘢食，所以本日涼菜係咩我都唔係好記得啦。個蝦卷好好食，最緊要係一份竟然有咁多條蝦卷。男朋友食晒成個飯，捧住個肚咁樣走😗。香酥脆雞便當 $64脆雞真係好脆，可能炸嘢係呢間餐廳嘅賣點🥰。好明顯係新鮮炸嘅，因為雞扒嘅肉汁都仲喺度，所以唔會話係返炸😗。由於配菜已經有一大堆（可以睇返上圖），所以我都唔係好清楚一個女仔點樣可以食得晒🥲。QQ芝士牛丸 $10$10係試食價，兩粒牛丸一人一粒啱啱好。食落去芝士真係好足，直情爆出黎☺️。啱啱新鮮炸起好熱，咬落去個陣芝士爆出黎真係爭啲辣親🤣。又抵又好食，必嗌！黑糖波霸奶茶 跟餐+$10正正常常一杯黑糖波霸奶茶，飲落去都唔錯，珍
排啊排，排左20分鐘終於有得食🥺。店員安排座位既方式好奇怪，佢地鐘意等有2-3張空枱先放人入去，所以成日都有空枱無人座，出面排晒大隊既情況😂。
香酥台南蝦捲便當 $68
古早白菜滷 - 都係個啲伴碟既涼菜🤣，好食！唔太鹹🥰。
家常炒粉絲 - 啲粉絲多到我懷疑會唔會依個先係主菜🤟🏻，炒得幾乾身，唔錯。
素麻婆豆腐 - 我唔係幾鐘意食豆腐，男朋友表示好好食😎。
玉子燒 - 燒得幾好，有少少似日本玉子燒😍。
本日涼菜 - 由於已經有超級多嘢食，所以本日涼菜係咩我都唔係好記得啦。
個蝦卷好好食，最緊要係一份竟然有咁多條蝦卷。男朋友食晒成個飯，捧住個肚咁樣走😗。
香酥脆雞便當 $64
脆雞真係好脆，可能炸嘢係呢間餐廳嘅賣點🥰。好明顯係新鮮炸嘅，因為雞扒嘅肉汁都仲喺度，所以唔會話係返炸😗。由於配菜已經有一大堆（可以睇返上圖），所以我都唔係好清楚一個女仔點樣可以食得晒🥲。
QQ芝士牛丸 $10
$10係試食價，兩粒牛丸一人一粒啱啱好。食落去芝士真係好足，直情爆出黎☺️。啱啱新鮮炸起好熱，咬落去個陣芝士爆出黎真係爭啲辣親🤣。又抵又好食，必嗌！
黑糖波霸奶茶 跟餐+$10
正正常常一杯黑糖波霸奶茶，飲落去都唔錯，珍珠正常，不過略嫌黑糖味唔重🥺。不過呢間餐廳唔係標榜賣台式飲品，同埋只係加$10就有一杯，所以都冇乜好嫌棄🤪。
埋單$152（無加一）
张贴
