影片
更多
2021-03-16
1063 浏览
💛💛💛BROWNY CAFE💛💛💛懶懶嘅星期日唔想郁，就去咗一間cafe度靜靜地食Lunch。揀呢間Cafe嘅原因係因為佢有阿法奇朵，姐係雪糕咖啡🤣，唔係好多地方都有得食。大家都要幫襯多啲黃小店啊！芝士碎蛋牛角包沙律 $40餐牌上面睇唔到呢個組合，因為係我特別問店員架。之後店員就好freestyle咁話如果改一樣就同價，如果加一樣就加$5。依個就係我鍾意幫襯小店既原因，彈性彈性💛。碎蛋好多又好食！牛角包超級脆，成個包都好好食🤩。沙律有啲遜色，要改善下了😌。慢煮雞肉沙律 $48冇影到相，因為個樣真係唔太吸引🤨。好彩食落味道唔錯！就算無乜汁，雞肉都唔會話好乾。沙律普普通通啦，如果可以新鮮啲會好啲。呢個價錢喺荃灣有啲進取，份量真係唔算多😂。AFFOGATO $40係我最鍾意既阿法奇朵😍，當倒啲熱咖啡落雪糕到，兩者撞埋一齊，係冰火既感覺🤓。雪糕既雲呢拿味同奶味都好重，正常Size。如果雪糕可以滑啲就更正，依家食落有少少粒粒😖。對得住價錢，下次都會再食🥰。FLAT WHITE $34（嗌食物配飲品-$10）先唔講味道，上菜時我同男朋友望到都覺得「嘩！咁大杯嘅🤣」，都幾抵飲。味道方面正正常常，偏重
懶懶嘅星期日唔想郁，就去咗一間cafe度靜靜地食Lunch。揀呢間Cafe嘅原因係因為佢有阿法奇朵，姐係雪糕咖啡🤣，唔係好多地方都有得食。大家都要幫襯多啲黃小店啊！
芝士碎蛋牛角包沙律 $40
餐牌上面睇唔到呢個組合，因為係我特別問店員架。之後店員就好freestyle咁話如果改一樣就同價，如果加一樣就加$5。依個就係我鍾意幫襯小店既原因，彈性彈性💛。碎蛋好多又好食！牛角包超級脆，成個包都好好食🤩。沙律有啲遜色，要改善下了😌。
慢煮雞肉沙律 $48
冇影到相，因為個樣真係唔太吸引🤨。好彩食落味道唔錯！就算無乜汁，雞肉都唔會話好乾。沙律普普通通啦，如果可以新鮮啲會好啲。呢個價錢喺荃灣有啲進取，份量真係唔算多😂。
AFFOGATO $40
係我最鍾意既阿法奇朵😍，當倒啲熱咖啡落雪糕到，兩者撞埋一齊，係冰火既感覺🤓。雪糕既雲呢拿味同奶味都好重，正常Size。如果雪糕可以滑啲就更正，依家食落有少少粒粒😖。對得住價錢，下次都會再食🥰。
FLAT WHITE $34（嗌食物配飲品-$10）
先唔講味道，上菜時我同男朋友望到都覺得「嘩！咁大杯嘅🤣」，都幾抵飲。味道方面正正常常，偏重奶味，值得一嗌 。
埋單$152（無加一）
张贴
