影片
更多
2021-01-01
33 浏览
💛💛💛阿四車仔麵💛💛💛好趕時間所以喺旺角搵間車仔麵快快脆脆食Lunch。環境大，放到好多枱，唔洗點等位。食物嘅種類都好多，麵款九樣，湯底五款，餸就分咗唔同價錢有唔同嘅料。值得一提嘅係下午茶餐非常之抵，$35就已經有一麵加有三個餸，啱晒啲想快食又想平嘅人。我哋總共買咗兩碗加一款小食🥳。第一碗——嗌左冬菇、溏心蛋、炸墨魚卷、加咗$3既稻庭烏冬、沙嗲醬。冬菇 $11，非常之厚肉，本身以為咁厚肉嘅菇一定唔會淋，又或者唔會入味，食落去點知完全無以上既問題，煮到爽爽地淋淋地，100%好食🥳。溏心蛋 $11，估唔到係中式嘅車仔麵舖都嗌到溏心蛋，多數都只係滷水蛋。食落去真係溏心既，裏邊嘅蛋汁撈既個烏冬好好食😚。不過有少少咸，已經同店長反映左！炸墨魚卷 $12，好好食😍！一份總共有兩條，感覺上係啱啱炸起，熱得黎又唔會感覺好熱氣。墨魚好彈牙，鹹到適中。我諗我下次會嗌小食，因為2條唔夠喉，好食😚。稻庭烏冬 $15，額外加錢既稻庭烏冬同平時嘅烏冬真係有分別，食落去唔會話似噹噹嗰啲垃圾烏冬咁，佢唔會咬落去淋身一舊麵團咁樣。相反佢好彈牙😍。因為我唔想晒食物，所以嗌左少麵，實際上會多啲😎。湯底沙嗲醬，唔辣，好香，正
好趕時間所以喺旺角搵間車仔麵快快脆脆食Lunch。環境大，放到好多枱，唔洗點等位。食物嘅種類都好多，麵款九樣，湯底五款，餸就分咗唔同價錢有唔同嘅料。值得一提嘅係下午茶餐非常之抵，$35就已經有一麵加有三個餸，啱晒啲想快食又想平嘅人。我哋總共買咗兩碗加一款小食🥳。
第一碗——嗌左冬菇、溏心蛋、炸墨魚卷、加咗$3既稻庭烏冬、沙嗲醬。
冬菇 $11，非常之厚肉，本身以為咁厚肉嘅菇一定唔會淋，又或者唔會入味，食落去點知完全無以上既問題，煮到爽爽地淋淋地，100%好食🥳。
溏心蛋 $11，估唔到係中式嘅車仔麵舖都嗌到溏心蛋，多數都只係滷水蛋。食落去真係溏心既，裏邊嘅蛋汁撈既個烏冬好好食😚。不過有少少咸，已經同店長反映左！
炸墨魚卷 $12，好好食😍！一份總共有兩條，感覺上係啱啱炸起，熱得黎又唔會感覺好熱氣。墨魚好彈牙，鹹到適中。我諗我下次會嗌小食，因為2條唔夠喉，好食😚。
稻庭烏冬 $15，額外加錢既稻庭烏冬同平時嘅烏冬真係有分別，食落去唔會話似噹噹嗰啲垃圾烏冬咁，佢唔會咬落去淋身一舊麵團咁樣。相反佢好彈牙😍。因為我唔想晒食物，所以嗌左少麵，實際上會多啲😎。
湯底沙嗲醬，唔辣，好香，正！
0 浏览
0 赞好
0 留言
第二碗——蘿蔔、牛腩、滷水雞翼、油麵。
蘿蔔 $10，非常大舊，本身以為咁大舊蘿蔔一定唔入味同唔會煮得淋。點知佢好入味同埋食落去都好淋，又無渣。不過始終覺得佢切細舊啲比較好，話晒一舊都好似成個細既女仔拳頭咁🧐。
牛腩 $12，食落去唔會話好大舊咬極都唔爛咁，反而佢切得細細舊好容易入口。唔好以為佢細細舊就比唔足份量，其實佢無偷工減料，一樣有好多牛腩。味道方面都入味嘅，同時唔會過鹹🤓！
瑞士雞翼 $10，正正常常，如果諗唔到食咩，嗌佢就一定無死😊。入味，唔會太鹹。幾欣賞佢依到既調味。全部都唔會話太鹹或唔入味，讚🥰～
油麵 $12，我唔係食開油麵，所以唔太清楚油麵係點。男朋友話油麵好似唔係咁樣😂😂😂。
免費菜脯，香得黎唔算好辣，見佢嘅形狀好正正方方，唔會係碎濕濕，唔似係醃咗好耐/食咗好耐嘅菜脯。男朋友話好正好正🥰。
湯底腩汁+辣醬，湯底普通，無沙嗲醬咁好食😂。
0 浏览
0 赞好
0 留言
咖哩魷魚 $22，幾鍾意佢嘅份量唔係好多，可以食多啲餸，唔會話就咁食個麵就已經飽左。食完碗麵，我哋嗌左一份咖喱魷魚。都係個句啦，調味岩岩好。好入味，好爽，食落去唔會有渣，唔會咬得好辛苦🥰。
0 浏览
0 赞好
0 留言
樽仔奶茶 $18，飲品方面我地飲咗一個樽仔奶茶，樽仔奶茶唔算話好甜，最緊要係冰凍，一路食熱辣辣嘅麵，飲住奶茶好正🥳。
埋單$133（無加一）
张贴
