影片
更多
2020-11-28
227 浏览
💛💛💛真台客💛💛💛大大話話都食左3-4次，每次食落都差唔多，麵同飯同蛋餅我地都嗌過，食物味道不過不失，無話有一種食落驚為天人既感覺。不過勝在食物質素／味道好standard，唔會話每次黎都唔同味。我多數食真台客都係因為諗唔到食啲乜嘢，又或者想食台灣野😂。我咁講唔係話佢好差，只係大約都知佢既味道係點，好唔好食就唔錯啦幾好咁。雞絲溏心蛋涼麵 $38味道OK嘅，份量偏小，啱女仔食。食落去有啲麻醬，不過唔係平時嗰隻日式麻醬，佢係比較淡身，食得多唔會膩🤓。麵質方面好煙韌嘅，完全冇煮過龍，軟硬適中。唔知係咪因為我哋係嗌冷麵，上咗菜之後唔會再熱住啲麵，所以麵質冇改變☺️。唔知點解每次跟餐嘅糖心蛋都係細細隻，細隻得來又好重蛋味好好味，廚師個火候控制得好好，隻蛋唔會會熟或者過生😍。不過有樣嘢唔係好明白，就係點解個麵好似打風一樣咁亂。已經唔止係一次，大大話話前後都食咗至少三四次，每次嗌親麵都係咁😂。當然你可能會話「個麵先$38，唔係要求擺埋碟呀嘛」，我唔係要佢擺得靚，但唔好放到咁啊大佬🤕。鹽酥雞便當 $48最鍾意真台客嘅地方係啲鹽酥雞永遠都係即炸嘅，雖然等餐嘅時間比較耐，大概15分鐘，原因係佢即炸食物，食落
大大話話都食左3-4次，每次食落都差唔多，麵同飯同蛋餅我地都嗌過，食物味道不過不失，無話有一種食落驚為天人既感覺。不過勝在食物質素／味道好standard，唔會話每次黎都唔同味。我多數食真台客都係因為諗唔到食啲乜嘢，又或者想食台灣野😂。我咁講唔係話佢好差，只係大約都知佢既味道係點，好唔好食就唔錯啦幾好咁。
雞絲溏心蛋涼麵 $38
味道OK嘅，份量偏小，啱女仔食。食落去有啲麻醬，不過唔係平時嗰隻日式麻醬，佢係比較淡身，食得多唔會膩🤓。麵質方面好煙韌嘅，完全冇煮過龍，軟硬適中。唔知係咪因為我哋係嗌冷麵，上咗菜之後唔會再熱住啲麵，所以麵質冇改變☺️。唔知點解每次跟餐嘅糖心蛋都係細細隻，細隻得來又好重蛋味好好味，廚師個火候控制得好好，隻蛋唔會會熟或者過生😍。不過有樣嘢唔係好明白，就係點解個麵好似打風一樣咁亂。已經唔止係一次，大大話話前後都食咗至少三四次，每次嗌親麵都係咁😂。當然你可能會話「個麵先$38，唔係要求擺埋碟呀嘛」，我唔係要佢擺得靚，但唔好放到咁啊大佬🤕。
雞絲溏心蛋涼麵
$38
27 浏览
0 赞好
0 留言
鹽酥雞便當 $48
最鍾意真台客嘅地方係啲鹽酥雞永遠都係即炸嘅，雖然等餐嘅時間比較耐，大概15分鐘，原因係佢即炸食物，食落去又熱又鬆脆又香口😍。硬係覺得鹽酥雞多過飯，啲雞好似唔洗錢咁，一碗至少有十舊炸雞😂。份量方面都係好足夠，啱女仔食，男仔可能食完之後再加一個小食會比較飽😆。我每次黎都係嗌依樣，因為每次都無令我失望，好正😚！如果佢可以推出一下鹽酥雞麵更好，因為佢既麵比飯更好食。
鹽酥雞便當
$48
22 浏览
0 赞好
0 留言
令我鍾意真台客嘅一個點係佢嘅飲品係免費嘅，去咁多次都有冬瓜茶飲，好飲不過偏甜，每次飲都要細細啖咁飲😂。仲有麥香紅茶，唔知係咪因為飲左冬瓜茶先，個紅茶好淡好淡🧐。除左免費飲品，仲有得嗌啲台式飲品，珍珠奶茶、黑糖珍珠鮮奶之類😚。反而我覺得免費嘅飲品仲好飲過佢其他台式飲品😂😂。
埋單$86（無加一）
张贴
