串Grill 自助燒烤專門店 (廣華街) (已結業)

妹妹成日都話想試自動轉嗰啲BBQ，講咗咁耐今日終於帶佢去試下。一去到已經比大門吸引着眼球，好一間良心店。去到坐低店員好細心咁介紹唔同醬料的食法同埋點樣燒，之後就俾咗條圍裙我哋，一開始佢會俾咗盤肉類，同埋一盤椰菜沙律，之後我哋之後我哋就再自己點想食嘅嘢。佢係用點餐紙落單，飲品就係自助自己拎嘅。另外旁邊有張咭仔，寫明每一樣嘅食物要燒既時間，咁樣就唔怕唔熟或者熟到乾爭爭啦。佢飲品選擇都幾多而且仲有豆漿添。澳洲M 5牛肩肉眼，質素真係唔錯，有牛味，肉質夠林。荷蘭豬五花豬肉唔會有浸蘇味，食落有啲爽口嘅感覺。豬大腸洗得乾淨唔會有浸臭味，食落好有口感。最得意係有燒棉花糖同雞蛋仔，睇住佢哋一串串咁轉轉下好得意。店員好熱心，嘢食你得好足同埋好快，冷氣夠，同埋唔會食到成身都係燒烤味，推介。