星怡 (裝修中)

星馬菜都係自己喜歡菜式之一，今次搵埋波友打完波，順便過來品嘗一下。餐廳設戶外座位，我地選坐室內，有卡位坐，環境明亮舒適。乾炒馬來蝦麵麵乾身，微辣，蝦面口感味道佳，蝦肉夠滋味。蒜片炒青龍菜出面餐廳比較少食到既菜，長條狀，綠油油，蒜香微帶甜。馬來肉骨茶配飯（+$18改椰漿飯）送油炸鬼👻，幾豐富。呢度肉骨茶藥味淡，偏向胡椒香為主，香噴噴。桔仔話梅水(凍)鳳梨水果茶(熱)飲品算特別，味道不錯。整體而言，食物同環境都唔錯，黃大仙人有口福啦。