茶餐廳2.0 (已結業)

因為疫情嘅關係，所以就去屋企附近隨便揀一間餐廳，但都係唔想食得太頹，又想食西餐，睇到現崇山呢一間裝飾唔錯嘅餐廳，就入去試吓佢嘅晚餐。之前試過佢嘅下午茶，同一般茶餐廳冇乜分別，但係晚餐嘅水準就拍得住其他西餐廳。我哋分別叫咗一個比目魚飯同埋一個海鮮意粉，我特別鍾意個海鮮意粉，因為真係有好多款唔同嘅海鮮，用了好多元化。餐前有個餐湯，係忌廉南瓜湯，口感滑味道香濃。最後有杯餐飲。成個晚餐嘅份量非常之合理，餐廳環境亦都唔錯，如果坐室外仲可以帶自己隻狗狗一齊食飯。