韓宮 (已結業)

約左朋友去黃埔食飯, 發現地鐵站附近有間韓燒, 晚餐時間都好多人幫襯! 決定一試😋位置好方便, 餐廳環境都好企理乾淨, 有一種傳統韓式小店嘅感覺❤️無論係韓燒, 傳統韓國鍋物,甚至乎醬油蟹佢哋都有!食韓國野當然唔少得傳統前菜~ 我認為依間餐廳嘅泡菜幾好食, 好啱香港人口味, 辣度同埋酸度都適中!可encore!🍀同朋友今日想食豬肉, 叫咗個二人套餐有五花腩,豬頸肉, 仲有一個辣醬醃製五花腩🐖食物好新鮮, 而且五花腩肥瘦適中, 仲有配菜添! 淨係食肉覺得漏仲可以食埋啲配菜中和返! 2人份量真係岩岩好!我最中意食辣醬五花腩, 醃製得好入味完全可以唔使再加額外嘅醬汁😋😋既然嚟得韓國餐廳, 決定食返隻醬油蟹過吓口引~韓宮嘅醬油蟹只需要$198, 好鮮甜, 配埋紫菜飯,合理嘅價錢就可以暫時解決想去韓國嘅願望😂😂最後嗌埋個海鮮豆腐鍋, 暖返個胃🫶🏻海鮮豆腐湯, 超級有驚喜, 而且好足料, 入邊有蝦同埋蜆等海鮮, 食落去每一啖都有濃濃嘅海鮮湯底味!! 冇嗌錯!!總結: 依間由韓國夫妻打理嘅韓燒餐廳值得推介😍無論環境食物同埋地方位置都啱晒同朋友聚餐或者一家大細👍🏻👍🏻👍🏻👍🏻