滿地可餅店

营业中

休息中

平日返工經開呢間餅店都已經想試下，今日出去食完lunch見到好多麵包都新鮮出爐就忍唔住試下先。 呢間餅店門口貼住所有麵包類產品都採用日本鳥越Caravan麵粉，即時加晒分👍 葡撻新鮮出爐，梗係整番件先啦，層次分明，口感鬆化，蛋味濃郁，必食推介！👍👍 麻糬波波$12／3粒，比起出面買嘅麻糬波波大好多，而且口感又夠煙韌。 平時買方包多，呢度有多種唔同嘅方包，有綠茶紅豆方包、提子方包、肉鬆方包、咖啡方包，今次試咗提子方包，勁多提子乾，口感豐富，麵包亦好鬆軟。 近期好流行食布甸麵包🍮🥖，估唔到呢間餅店都有得賣，個外皮酥脆，布甸有流心效果，味道唔會太甜膩，蛋香味都算濃郁，食落去布甸好幼滑細膩。 朱古力軟心：一咬就流晒啲朱古力出嚟，好流心😍朱古力唔會太甜。 丹麥提子條外脆內軟，香甜美味，提子乾份量亦足夠。 芒果布甸口感香滑細膩，芒果肉夠多，作為飯後甜品啱晒。