韓宮 (已結業)

黃埔站一出，近在咫尺的韓式餐廳，老闆娘是韓國人，親自主理。内裡是小店格局，每枱都有燒肉的設備。
醬油蟹，炸雞，燒肉，石鍋飯，其實大部分韓式料理都有得食。醬油韓國蟹將蟹肉唧出，在蟹蓋撈勻，再加到奉送的紫菜飯，蟹羔加持，勁有風味。燒肉拼盤有齊豬牛，但特別在於雪耳同芝士，平時都好少會係燒肉拼盤見到。燒雪耳直頭未試過，芝士原來可以變芝士燒肉。主角一定係調味牛肋骨，一匹布咁長，仲有爽嫩的牛五花，口感豐富的五花腩，厚厚的豬頸肉，食到你飽。牛肋骨湯勁多舊牛肋骨係幾有誠意，清甜味道，飽肚又暖肚。