影片
更多
2016-11-29
430 浏览
從前去黃埔往往只可以搭巴士或小巴才到, 所以一年都可能只去到一兩次. 而家地鐵終於都可以直到黃埔, 方便程度更勝從前, 前兩天突然想去黃埔號行街就立即行動. 黃埔花園附近有好多食店, 見到有間叫”Fullhouse kitchen”既餐廳, 印象中好似係荃灣愉景新城有間, 不過好似係foodcourt形式的, 見到食物既價錢唔貴, 最好就係有小童餐, 小朋友就至like了. 餐廳裝修好光猛整潔, 背景音樂播住bossa nova坐得好舒服, 店內仲有一個小角落買精品. 餐廳係半自助形式的, 所以選好食物就自己去落單就可以了. 我地一行3大1小, 叫了個 classic caesar salad $38, 馬來炸雞椰漿飯 $58, 新加坡海鮮喇沙湯粉 $52, 巴馬火腿雞肉白汁意粉 $62, 東南亞拼盤 $50 及一個兒童餐 $58. 好快侍應就陸陸續續送上餐了, 整體上菜時間都好快, 而食物都係熱辣辣的. classic caesar salad份量一啲都唔少, $38既價錢真係無預有咁多呢. 之後就係東南亞拼盤, 越南蔗蝦, 泰國辣魚餅及金絲蝦卷各樣3件, 3樣味道都好味道. 馬來炸
餐廳裝修好光猛整潔, 背景音樂播住bossa nova坐得好舒服, 店內仲有一個小角落買精品.
餐廳係半自助形式的, 所以選好食物就自己去落單就可以了.
我地一行3大1小, 叫了個 classic caesar salad $38, 馬來炸雞椰漿飯 $58, 新加坡海鮮喇沙湯粉 $52, 巴馬火腿雞肉白汁意粉 $62, 東南亞拼盤 $50 及一個兒童餐 $58.
好快侍應就陸陸續續送上餐了, 整體上菜時間都好快, 而食物都係熱辣辣的. classic caesar salad份量一啲都唔少, $38既價錢真係無預有咁多呢.
之後就係東南亞拼盤, 越南蔗蝦, 泰國辣魚餅及金絲蝦卷各樣3件, 3樣味道都好味道.
馬來炸雞椰漿飯份量真係一啲都唔少, 塊炸雞大大塊好香好脆.
新加坡海鮮喇沙湯粉既粉是米粉, 同正宗既有啲出入, 不過海鮮配料都好足料.
最後就係個巴馬火腿雞肉白汁意粉, 呢個係最有驚喜最好食, 估唔到啲意粉係好有咬口, 絕對唔係淋晒那種意粉, 個白汁好香cheese 味之餘, 啲雞肉雖然係雞胸肉但一啲都唔”鞋”存架.
最後就係個小童餐, 有小吃炸魚手指, 夏威夷pizza,焦糖燉蛋及水果, 真係啱晒小朋友, 不如自己下次都叫個兒童餐俾自己食了.
整體餐廳乾淨, 食物好味, 仲要係價錢唔貴份量又大, 估唔到黃埔市區都有啲cp值高既餐廳呢.
张贴
