Second Bite Bar & Cafe (紅磡灣中心) (已結業)

佢哋之前喺長沙灣分店嘅風格係行啲chill啲嘅西式路線，而家喺黃埔新嘅分店就主打小清新嘅Cafe！！入到去環境都幾舒服😌嗰日就自己一個去左食lunch～嗌咗一個泰式鹹豬手煎雙蛋飯！包咗一個沙律菜、一杯嘢飲😆個豬手外皮煎到好香脆，味道食落唔會太鹹，肉質都唔會好鞋。再點埋旁邊酸酸辣辣嘅泰式醬汁，更加惹味！面頭仲有兩隻太陽蛋，切開會流心 好正！！另外抹茶鮮奶都好好飲，茶味都幾濃，帶少少回甘，口感都好順滑🍵