Second Bite Bar & Cafe (紅磡灣中心) (已結業)

一望到呢間西餐廳尚有一種好休閒嘅感覺😌淺綠色嘅色調搭配不同嘅植物，令人好想行入去坐吓食嘢🍽我哋午餐時間嚟叫咗兩個意粉套餐，套餐包括餐飲同埋菠菜湯🥣菠菜湯好濃稠，清新得嚟又有滿滿嘅菠菜味🥬🥚🍅🐔溫泉蛋辣茄蓉雞肉長通粉溫泉蛋好正，一切開蛋黃就流晒出嚟🤩辣茄蓉唔會好辣，味道酸酸辣辣，都幾開胃😋長通粉啲窿窿都吸滿辣茄蓉醬汁，食落更入味👍🏽🌶🐷椒麻豬頸肉意粉呢個意粉有少少辣，一入口食到花椒嘅麻辣，係帶有東南亞風情嘅意粉😚豬頸肉爽口充滿油脂，夾埋椒麻汁一齊食特別惹味😍呢間西餐廳好座又唔貴，再過嚟黃埔一定會食多次！😍