名館 (黃埔天地) (已結業)

名館喺開咗一段時間都未去食過， 今晚去開紅磡探朋友就同佢嚟呢度試下啦。七點鐘都仲係冇乜人，如果晏少少入黎就爆曬場。朋友原來成為咗綱牙妹，唯有叫啲淋嘅嘢食啦， 店員亦都好細心咁同我哋推介咗幾個適合冇牙人士嘅菜式。金腿雪菜煮豆腐，啲豆腐超級滑，得個湯加左金華火腿好清甜。鮮肉一口小籠包，小籠包皮薄餡靚。銀湖天鵝酥， 造型好靚呀！天鵝個頭係餅乾嚟嘅，絕對食得。個身入面係紫薯，幾香。私房金黃球泡飯，飯團炸過再放湯，慢慢變成泡飯，湯底顏色豐富味亦香濃。黎多個足料靚湯！美中不足原來黃埔呢度係冇麻雀椰汁糕。