台北人 (已結業)

好開心喺黃埔有多一間台式便當小店，熱愛台灣料理嘅我，又點可以錯過呢😎😎小店主要係外賣，店面簡單整潔。佢哋個餐牌選擇唔算非常多，但係淨係台式便當同埋小食，已經夠吸引😎😎我自己都幾鍾意台式便當，少少一個便當，就可以食到好多唔同嘅配菜，每次都覺得好滿足，好幸福☺️☺️起碼冇咁頹先啦～～今次叫咗排骨便當，豬扒都幾大塊，而且唔算肥，豬扒嘅醬油味道都幾好食，唔會太鹹，配埋粟米，辣菜甫，椰菜，木耳等等嘅配菜一齊食，每一啖飯嘅口感都唔同，正👍🏼👍🏼👍🏼另外我仲叫咗一個鹽酥雞同屋企人一齊分享，打開就已經有驚喜！有好大塊九層塔！炸雞份量都幾多，而且雞肉基本上冇乜肥膏，認真啖啖肉，我連塊葉都食埋😛😛整體來講，對依間小店嘅印象都唔錯，而且價錢合理，以後喺黃埔買外賣就多一個選擇喇～～