阿木台灣麵 (廣華街) (已結業)

五一黃金周，支持黃色經濟圈，嗰日一早就去咗阿木台灣麵排隊。見到門口已經黃都發光，好多紀念品賣。仲有好多自家製嘅醬料，值得大家一試。值得一讚嘅係仲有選民登記表提供。等左半個鐘左右，我哋要咗個鹽酥肉便當，肉操豆苗，梅子地瓜條同兩杯嘢飲。1. 鹽酥肉便當鹽酥肉炸得好鬆脆，味道好好，仲有三樣小食搭配。令到個便當好豐富！2. 肉燥豆苗好耐冇食豆苗啦，一直覺得豆苗會有一浸草青味。但係呢度加埋肉操竟然可以辟咗嗰陣味，令到成餐飯更加健康。3. 梅子地瓜條好少食到有地瓜條，地瓜條炸到趣卜卜，有外脆內軟嘅感覺。加埋梅子粉，喺台灣夜市嘅回憶返返晒黎，真係點綴左成個地瓜條，令口感提升左一個層次！最後，飲品方面叫咗兩個奶蓋茶，奶蓋味好濃郁，茶底就好香！