影片
更多
2016-11-26
1119 浏览
稻香曾經推出過風魔一時嘅「麻麻雞煲」， 由於價錢相當超值，宵夜時段更係超筍價， 五六十蚊到，就有雞煲連六罐啤酒。由於港人嘅口味轉得好快，「麻麻雞煲」好快比人忘記， 取而代之， 稻香又推出咗「 椰椰芝麻雞鍋」。既然新推出， 天氣又凍凍地， 一於就去試下。今次新推出咗雞鍋套餐， 218蚊， 有一個鍋底， 一碟龍躉或一碟肥牛， 仲有兩款新鮮嘅蔬菜選擇。 價錢方面， 唔算係超值， 不過總算合理。今次就叫咗鴛鴦雞煲， 一半麻辣， 一半椰子湯底。 先講係麻辣雞煲， 比起以前「麻麻雞煲」， 確實遜色不少， 雞件太老， 亦有點雪味。至於另一半嘅椰子湯底， 確實令我相當驚喜。皆因椰子非常清甜， 飲落好滋潤， 亦唔多覺有味精， 用嚟打邊爐， 可以帶出食材嘅新鮮原味。 放入雞件後， 飲落有啲似椰子雞湯， 好滋潤。 芝麻雞都有半隻， 肥瘦適中， 肉質鮮嫩。至於安格斯肥牛亦相當不錯， 雪花均勻， 牛味尚可， 夠曬大碟。至於新鮮蔬菜方面就揀咗羊肚菇同豌豆苗， 兩者都令我愛上。豌豆苗食落鮮嫩， 口感清新。 至於羊肚菇， 食落感覺有點似雲耳同木耳嘅混合版， 咬落非常爽口， 食起嚟又有雲耳嘅滑。呢個套餐肉類同蔬菜類嘅配
由於港人嘅口味轉得好快，「麻麻雞煲」好快比人忘記， 取而代之， 稻香又推出咗「 椰椰芝麻雞鍋」。
既然新推出， 天氣又凍凍地， 一於就去試下。
今次新推出咗雞鍋套餐， 218蚊， 有一個鍋底， 一碟龍躉或一碟肥牛， 仲有兩款新鮮嘅蔬菜選擇。 價錢方面， 唔算係超值， 不過總算合理。今次就叫咗鴛鴦雞煲， 一半麻辣， 一半椰子湯底。 先講係麻辣雞煲， 比起以前「麻麻雞煲」， 確實遜色不少， 雞件太老， 亦有點雪味。
至於另一半嘅椰子湯底， 確實令我相當驚喜。皆因椰子非常清甜， 飲落好滋潤， 亦唔多覺有味精， 用嚟打邊爐， 可以帶出食材嘅新鮮原味。 放入雞件後， 飲落有啲似椰子雞湯， 好滋潤。 芝麻雞都有半隻， 肥瘦適中， 肉質鮮嫩。
至於安格斯肥牛亦相當不錯， 雪花均勻， 牛味尚可， 夠曬大碟。
特價豚肉每碟18， 肥牛每碟28
18 浏览
0 赞好
0 留言
呢個套餐肉類同蔬菜類嘅配搭剛剛好， 咁先食得「有營」。
最抵讚嘅係套餐包埋火鍋調味料， 可以隨個人口味「混醬」。
雖然新推出嘅套餐價錢唔及「麻麻雞煲」抵， 但食材用料方面， 確實係新鮮。每人圍起都係百零蚊， 總算抵食。
张贴
