混亂拉麵 (已結業)

呢間就咁睇好似好特別 見佢坐位麵好逼 圍住個廚房坐 之後睇下menu 叫左碗咩都有齊既麵 自己先畫左張單 再拎比侍應 到到佢煮好之後 佢會放係你上面有張台仔 再自己拎落黎 不過好重 又大碗 又滿 拎到手震震 冇人幫 佢超多牙菜 栗米 有成隻雞蛋 兩塊叉燒 不過全部都冇乜味 好淡 佢淨係靠一大堆既蒜蓉去吊味 d麵佢話自家制 不過都唔滑 又唔彈牙 個湯仲要加左芝士粉 好膩 又唔夠香豬骨味 最慘係成碗野都凍冰冰 唔夠熱 d野又冇味 完全好一般 最慘係咁大碗 其實真係唔知點食 佢地又唔會比多隻碗我 趕收工咁 唔會再食