美食坊茶餐廳 (已結業)

星期日大昏迷,訓醒又係brunch時間!食過N間外賣,今次又試新野。蠔油薯仔雞翼飯:用兩格飯盒,份量足夠!只可惜味道一般,雖然我鐘意薯仔,但呢盒真係薯仔多過雞翼,薯仔係煮得入味但真係好多lu;雞翼細細件但多碎骨,最壞一樣係解凍未徹底,有陣雪味.....咖喱牛筋腩飯:又係多薯仔之作,都算入味!咖喱一般lu,奶味較重。粟米斑腩飯:魚塊較薄,似魚柳多過斑腩,味道一般。金銀菜豬骨湯:顏色好深,菜乾多過白菜原故,望落去唔太吸引,麻麻地。總括黎講呢度水準麻麻,翻炒機會好低,試過算數。