Nunu燒 (已結業)

話請我食生日飯喎，揀咗呢間靜靜地嘅餐廳。話晒都係星期六嘅中午時份。我哋係第一台客人，但坐都食完為止都好似唔見有其他客人。先食個生蠔，太重海水味，唔係我杯茶。都唔知本身隻蠔鮮唔鮮甜。自從食過好小小既日本野，就覺得一定要食下前菜，淮山真係唔小得。好味！再加芥辣八爪魚。叫左個串燒拼盤，唔太抵食，$288 五串！牛舌太薄，乾乾的！雞肉串有鮮雞蛋沾下還算不錯！豚肉荔枝普普通通！雞翼濕濕地，雞皮脆！牛柳中規中矩！刺身拼盤$488，帶子普通、鮮魚比較多、蝦鮮甜味美、海膽真的不錯（店員有禮地話唔夠紫菜可以問佢地添加）可惜附送嘅紫菜太軟，我哋已經冇興趣包紫菜食。中拖羅同大拖羅還不錯，無根！鵝肝有兩件，一件厚身一件薄身，厚身嘅非常好味，薄身嘅朋友食咗話乾到爆。茄子煮法特別，本身無加調味，要自行加醬汁。最後有雞軟骨，好大份量，兩個人食太油膩了。甜品始乎是這一餐既高潮！高水準自家製，不太甜！令我地要轉移陣地去食甜品。