海鮮丼屋政 (已結業)

中環想食日本嘢唔難，但要有外賣又有少少質素的日本餐就有啲難度。Openrice咗兩個鐘就決定嚟呢間買外賣。丼餐本身有茶碗蒸、沙律、麵豉湯，但原來外賣不會有茶碗蒸⋯⋯要咗呑拿魚及白身魚丼呑拿魚喺赤身，白身魚由師傅決定，今日係池魚。原來白身魚只有一塊！！！ 真係好大好大嘅驚⋯⋯ 赤身冇乜味，魚肉肉質柔軟嘅，但感覺好麻麻，好似有少少梅，可能師傅有熟成過但唔啱我口味喇⋯⋯飯量比較少，一個女生可能都夠食嘅，不過味道酸甜度就唔太平衡，飯本身質感是良好的。可能堂食會比較好啦，見lunchtime都多人食嘅。