影片
更多
2014-07-27
2594 浏览
去完台北，好掛住麻辣火鍋，諗住試下土炮野。訂枱時，講明遲到一分鐘都唔會俾枱，又話最多食兩個鐘，以為會好多人，點知上到去時都幾多吉枱，基本上 walk-in 都會有枱。坐低發現張枱好細，放完碗筷，唔會有咩位放食物。裝修非常一般，客人好多都唔似香港人，似自由行多，有人拎埋篋上黎食添，感覺好似番左大陸咁。先黎飲品，豆漿好細杯，唔夠凍，感覺好怪，朋友叫凍檸茶，大大杯好抵飲。我叫既啤酒就好鬼凍。兩個朋友好肚餓，叫左擔擔麵做頭盤 ， 點知係全晚最差既食物，完全唔正宗，根本完全唔係果回事，麵質、材料、賣相同味道都可以用差黎形容。如果詠 x 園擔擔麵有八十分，呢度既，sorry，得二十分。 火鍋醬料自己出去撈，有我最愛既麻醬，都幾正宗。火鍋餐牌一頁紙，都係果o的野，我地叫左....- 麻辣湯底 ： 麻麻地，太多料係入面, 辣度唔夠，亦唔夠麻，明顯係為香港人調整過既味道，比起台北同四川既相差十萬八千里。- 手切肥牛 ： 百零蚊，有驚喜，賣相同質素唔錯，拍得住九龍城賣二、三百蚊既貨色。- 羊肉 : OK- 鯇魚腩 : 肉質麻麻，有 d 霉，應該唔新鮮- 黃鱔 : 唔錯- 凍豆腐 : OK- 油麥菜
訂枱時，講明遲到一分鐘都唔會俾枱，又話最多食兩個鐘，以為會好多人，點知上到去時都幾多吉枱，基本上 walk-in 都會有枱。坐低發現張枱好細，放完碗筷，唔會有咩位放食物。裝修非常一般，客人好多都唔似香港人，似自由行多，有人拎埋篋上黎食添，感覺好似番左大陸咁。
先黎飲品，豆漿好細杯，唔夠凍，感覺好怪，朋友叫凍檸茶，大大杯好抵飲。我叫既啤酒就好鬼凍。
兩個朋友好肚餓，叫左擔擔麵做頭盤 ， 點知係全晚最差既食物，完全唔正宗，根本完全唔係果回事，麵質、材料、賣相同味道都可以用差黎形容。如果詠 x 園擔擔麵有八十分，呢度既，sorry，得二十分。
火鍋醬料自己出去撈，有我最愛既麻醬，都幾正宗。火鍋餐牌一頁紙，都係果o的野，我地叫左....
- 麻辣湯底 ： 麻麻地，太多料係入面, 辣度唔夠，亦唔夠麻，明顯係為香港人調整過既味道，比起台北同四川既相差十萬八千里。
- 手切肥牛 ： 百零蚊，有驚喜，賣相同質素唔錯，拍得住九龍城賣二、三百蚊既貨色。
- 羊肉 : OK
- 鯇魚腩 : 肉質麻麻，有 d 霉，應該唔新鮮
- 黃鱔 : 唔錯
- 凍豆腐 : OK
- 油麥菜 : 明顯唔係靚菜, 唔夠翠綠，賣相唔得。
- 津白 : OK
- 餃子 : 急凍平價貨，可以唔食
- 午餐肉 : OK
- 冬菇 : OK
- 醉雞 : OK
埋單每位不到 $300 尖沙咀黎講唔算貴，不過唔算好食，而且班 waiter 禮貌亦一般，同枱朋友異口同聲都話唔會再黎。下次我地會約埋去試下三 x 樓。
张贴