功夫點心

营业中

休息中

好耐無嚟過景林邨喇，之前商場二樓有一間酒樓，嚟過一兩次，之後結業後都好少嚟食嘢。今日同事約我嚟景林邨飲茶食早餐，原來開咗間點心店。食店內有大量卡座，坐得都幾舒適，不過冷氣就有啲大，點心紙係功夫秘笈造型，好得意，食物方面味道就普普通通。功夫蝦餃皇，可以逐隻點，皮好厚，蝦肉亦唔爽口。蟹籽香菇燒賣皇，呢款都係可以點需要數量，呢個嘅肉都可以。遠年陳皮牛肉球。沙律明蝦角，蝦都係爭啲。生菜魚蓉炸兩腸，除咗脆仲有其他口感，都可以。黃金流沙包，好似無咩蛋黃味。鳳爪排骨腸粉煲，原本以為係熱煲上少少啫啫或者炒過，估唔到咁求其就咁用煲裝住。