老媽拌麵 (荃灣廣場) (已結業)

一直喺百佳都有見到呢個牌子嘅拌麵，自己買個返屋企煮，都覺得好好食。所以，今次就特登試吓佢嘅門市拌麵到底有幾咁好食。一食落去第一啖，陣陣嘅麻香味已經喺麵條入邊滲出嚟，成個口都充滿着麻辣嘅味道。而且佢嘅肉，亦都出奇地好食，唔會太乾，亦都唔會太奀。另外，我仲試埋佢嘅甜不辣，充滿着台灣嘅風味，就好似去咗台灣旅行一樣。呢一間舖頭，啱晒而家去唔到台灣嘅香港人去食。而且，店舖嘅環境裝修亦都十分之優雅，望住成個荃灣，景觀10分開陽，加埋充滿田園風味嘅裝修風格令到人哋心曠神怡。