微辣大排檔 (已結業)

如果大家有睇開YouTube節目，都知道微辣大排檔係個遊戲節目，老闆超有心思，將呢個節目化身成一間餐廳一入到去就俾裝修完全吸引住，以火車站，麻雀館做主題，今日我哋就安排咗去麻雀館主題用膳，成張餐枱底下都放滿咗麻雀，連茶壺，碗，杯都切合主題，超有心思✨何伯爆屎渠（酥炸豬大腸）$109豬大腸係原條上，造型相當特別，旁邊俾咗把鉸剪你自己慢慢剪，一剪開，終於明白點解要原條上，原來豬大腸裏面充滿甜酸汁，外皮超燒好香脆，裡邊仲保留肉汁好juicy✨好色豪Dee（蜂巢潮式蠔餅）$129蠔餅炸到相當鬆脆，蛋漿豐富，但面粉唔會太多，所以唔會食到成口油，一啲油膩感都無，蠔仔肉都好多好新鮮，仲大大粒好飽滿✨紅燒沙田友乳鴿$69 一隻沙田最出名就係食乳鴿，嚟到新派大排檔當然要試下啦，原隻上可以保留肉汁，剛剛燒起非常熱辣辣，紅燒乳鴿皮脆肉嫩，啖啖肉，油脂喺口腔徘徊，超滿足，下層仲有好多塊蝦片，酥脆鬆化，最要值得稱讚，就係佢個造型，超有心思，絕對估你唔到✨北角雪糕雞蛋仔$59新派特色嘅雞蛋仔，雞蛋仔每一粒都好飽滿，充滿雞蛋香味，最特別係加咗椰香味，將雞蛋仔提升到另一個層次，面頭加上士多啤梨果醬，酸酸甜甜，加上雲呢