麻辣風雲 (京都廣場) (已結業)

環境好寬敞，坐得好舒服，播住古箏純音樂，都幾有風味！👉🏻小鍋米線 $48可以揀麻辣或酸辣，仲可以揀3個唔同程度嘅辣，任君選擇！真係好大碗，好多料，有芽菜、酸菜、韭菜、蔥、芫荽、豬肉碎同菜脯，非常惹味！我仲追加左肥腸、魚腐、魚皮餃（各+$8）魚腐尤其岀色，軟滑濃味！👉🏻麻辣夫妻肺片 $38涼拌牛雜，份量都唔少，麻辣味濃，非常過癮！👉🏻洛神花茶（+$18）微酸，感覺好清熱降火，食完辣野飲最啱！