十三少 (已結業)

來到堅尼地城，見到間與別不同的装修，甚是吸引，一睇原來係『十三少』，咁就諗起酸菜魚，好，就來一趟『四川之旅』吧。『椒麻皮蛋』，皮蛋係好吸引的全黄色，不同平時食開的『灰黑色』食落口感差不多，再有椒麻酱汁的加持，勁開胃。『麻辣鹵豬手』，由於今日食飯的朋友係比較鍾意食辣，咁就來一碟麻辣鹵豬手，大大件，多多件，煲得好腍，腍得來就更加入味，平衡咗2人的食辣程度，中等辣度，好爽。『十三少酸菜魚』可以話呢間舖的招牌，keep住水準，要鮮有鮮(鮮魚熬的湯，食之前飲咗1碗先)，要辣有辣，要酸有酸。最後再來個好味嘅『紅糖糍粑』作結。食完做咩，做多D運動，行够1萬步，加油！！！