阿鴻小吃 (已結業)

某日同一大眾食友去到北角搵食,去到呢家街知巷聞小店. 雖然大部份都係滷水小食,不過食食都幾飽!麻辣鴨舌- 小店招牌菜,經常賣清. 不過我略嫌唔夠麻辣,但已經算十分入味,唔錯!!滷水豬- 夠哂入味,豬亦好腍!滷水鵝片- 鵝片嫩滑,唔錯.芥辣雞腳筋- 呢個係我最愛. 少少芥辣味,又有咬口,好正呀!素鵝- 呢個都唔錯,味道帶甜,份量又夠多得黎係素食,食都唔怕肥,哈哈!滷水豬腸- 豬腸就真係肥喇,不過肥膏好甘香,正!豬耳拼海哲- 佐酒小食,豬耳又夠爽脆,唔錯.滷水墨魚- 墨魚入味又軟熟,容易咬開,唔似一般潮州店滷得太耐好!薯絲炸蝦- 店員推介. 見有五隻剛好每人一隻就試試. 其實唔係太特別好食,只不過唔係滷水食物而已!!麻辣鴨下巴- 我又鍾意呢個,因為我鍾意食骨頭,咬咬幾得意!!!南乳粗齋- 食友介紹,好味又份量多!! 媽咪一定會最鍾意呢味!蔡欄撈麵- 有蔥絲同豬油撈麵,由蔡san起名,好唔好食就見仁見智啦! 我本身對豬油冇特別愛好,所以對呢味撈麵亦冇特別好感!