麻辣風雲 (已結業)

一年前喺荃灣食過麻辣風雲嘅晚餐，個酸菜魚同炸饅頭令人念念不忘。今次去旺角分店食lunch，特意想試下秋冬限定嘅砂鍋螺螄粉。𖦹 砂鍋螺螄粉 $48 + 鴨血 $12 + 炸蛋 $12 + 萵荀 ＄5湯底以螺螄、豬骨、雞等熬製而成，加上木耳、蘿蔔乾、酸豆角、酸荀等豐富配料，令成碗粉充滿獨特嘅香氣，越食越辣。正宗柳州米粉超滑，夾埋自選嘅餸菜 — 香脆炸蛋、滑溜鴨血同埋爽口萵荀，重口味嘅朋友必試。𖦹 招牌酸菜魚 $88午市食呢道招牌菜非常抵！仲附上絲苗白飯一碗，家弟表示有飯食就是高興。自家醃製嘅酸菜配搭嫩滑嘅魚片，令人食唔停口。不得不提嘅係晶瑩剔透嘅薯粉，吸盡湯底精華，同上次一樣咁好味。𖦹 炸饅頭 $36即叫即整、金黃香脆嘅饅頭蘸上煉奶，簡直係完美嘅組合。𖦹 陳醋手拍青瓜 $26青瓜爽脆，陳醋帶酸，係一道開胃嘅前菜。𖦹 龍眼冰 $18鮮甜解渴，可以食埋龍眼肉，食辣野飲就fit了。𖦹 花冰蜂蜜綠茶 $18蜂蜜綠茶非常滋潤喉嚨，啲冰入面仲有啲桂花增添香氣，解辣一流。