麻辣風雲 (京都廣場) (已結業)

話說ToNick嘅恆仔對川菜情有獨鍾，表演之後最鍾意食川菜𪊴功，輾轉就開埋間川菜餐廳，至今港九新界都各有一間分店了。三間分店我覺得水準差唔多，仲不時有新菜式吸引我回訪，今次係要試鴛鴦魚！𖦹 太極鴛鴦魚 $388經常struggle嗌水煮魚定酸菜魚，why not both？太極鴛鴦魚一鍋有齊酸菜魚同水煮魚，一次過滿足你兩個願望～酸菜魚酸辣味平衡得宜，湯底唔油膩，魚肉皮鮮肉嫩，加上口感十足嘅薯粉、芽菜同菇，吸盡魚同湯嘅精華，相當入味。水煮魚麻辣鮮香，配料同酸菜魚相似，辣味更為突出。咁大盤魚容易變涼，私心認為有個爐可以一直熱住啲魚就更正了。𖦹 麻辣拼盤 ＄128包括彈牙嘅酸辣老醋辣海蜇、有咬口嘅雞腎、滑溜嘅粉皮、爽口嘅手拍青瓜同埋夫妻肺片，非常豐富，如果啲粉皮無咁碎就好了。𖦹 炸饅頭 $58食足三次嘅炸饅頭坐船駕到，上枱時配備煙霧彌漫嘅效果，fancy至極。饅頭表面呈金黃色，外香內軟，綿密但唔油膩。𖦹 黑糖脆炸糍粑 $58糍粑沾滿黃豆粉及黑糖漿，散發淡淡嘅米香，外脆內煙韌。𖦹 洛神花茶 $48洛神花味濃，入口清甜，有消滯解膩之效。