麻辣風雲 (京都廣場) (已結業)

周五晚，係銅鑼灣行住等老公收工! 晚上8點半左右，人頭湧湧，坐無虛席。幸好大概9點左右，就可以入座喇！ 因10點要離座關係，都即刻用QR code 下單酸菜魚先，再慢慢後加。上菜速度都算快,約10分鐘左右！薄荷咸檸七喜 $38 薄荷味偏淡，咸檸檬加薄荷都幾清新。花雕醉雞 $98酒味都算幾濃，雞肉算有彈性！酸菜魚 $268好大一盆，魚片佈滿整碗。有萵筍、豆卜、大量芽菜同寬粉!魚片偏薄，食落嫩滑有魚味。啖啖肉無骨。寬粉吸收晒湯汁，正！蒜泥白肉 $78蒜泥白肉唔太辣，但夠味。唔係好食得辣嘅都應該食到！最後少不了點番個 打卡 炸饅頭啦一份6個，熱辣辣脆卜卜，幾飽都要食！