影片
更多
2021-08-26
58 浏览
麻辣雞煲 這個紓緩壓力的味道～～～幾經辛苦挨到星期四 有種就嚟頂唔順嘅感覺 大舊見到我返工返得咁辛苦 收工就帶我嚟食呢一間我好鍾意食嘅雞煲 只有佢知道 食嘢永遠都係我最好嘅舒壓辦法 😛～～～一嚟到差唔多八點 餐廳已經幾乎滿座 好彩大舊有早早訂位 抵讚 👍🏻～～～餐牌有芝士雞煲 同埋麻辣雞煲 我哋就揀咗後者 兩條辣椒嘅辣度 對於我哋來講啱啱好 加入左大量芫荽 芹菜嘅雞煲 食落去惹味濃烈之餘 亦都唔會太過飽膩 有種獨特嘅清新feeling 加埋玫瑰露炒過之後 雞肉非常滑溜香口 令人欲罷不能🐥～～～食完雞煲之後 就可以加湯打邊爐 佢哋有好多隻唔同嘅湯底 如果最簡單嘅話 就可以免費加清湯或者麻辣湯 食到成口都麻麻哋嘅我哋 有冇揀到辣湯 而係揀咗清湯 用匙羹自己去除表面嘅辣油之後 成個湯底就會變得香而不油膩🥢～～～火鍋料方面我哋就揀咗鳳城水餃 山藥 稻庭烏冬 雞蛋 生菜同脆皖片等等 由於佢哋雞煲嘅份量都幾多 所以其實之後都唔敢叫太多配料 驚食到飽得滯😆～～～鳳城水餃皮薄餡靚 裏面有好多隻蝦 仲有豬肉 木耳絲等等 食落去口感爽脆得黎 又有豐富嘅感覺 山藥質素亦都唔錯 煮大概8分鐘左右 就有外軟內
～～～
幾經辛苦挨到星期四 有種就嚟頂唔順嘅感覺 大舊見到我返工返得咁辛苦 收工就帶我嚟食呢一間我好鍾意食嘅雞煲 只有佢知道 食嘢永遠都係我最好嘅舒壓辦法 😛
～～～
一嚟到差唔多八點 餐廳已經幾乎滿座 好彩大舊有早早訂位 抵讚 👍🏻
～～～
餐牌有芝士雞煲 同埋麻辣雞煲 我哋就揀咗後者 兩條辣椒嘅辣度 對於我哋來講啱啱好 加入左大量芫荽 芹菜嘅雞煲 食落去惹味濃烈之餘 亦都唔會太過飽膩 有種獨特嘅清新feeling 加埋玫瑰露炒過之後 雞肉非常滑溜香口 令人欲罷不能🐥
～～～
食完雞煲之後 就可以加湯打邊爐 佢哋有好多隻唔同嘅湯底 如果最簡單嘅話 就可以免費加清湯或者麻辣湯 食到成口都麻麻哋嘅我哋 有冇揀到辣湯 而係揀咗清湯 用匙羹自己去除表面嘅辣油之後 成個湯底就會變得香而不油膩🥢
～～～
火鍋料方面我哋就揀咗鳳城水餃 山藥 稻庭烏冬 雞蛋 生菜同脆皖片等等 由於佢哋雞煲嘅份量都幾多 所以其實之後都唔敢叫太多配料 驚食到飽得滯😆
～～～
鳳城水餃皮薄餡靚 裏面有好多隻蝦 仲有豬肉 木耳絲等等 食落去口感爽脆得黎 又有豐富嘅感覺 山藥質素亦都唔錯 煮大概8分鐘左右 就有外軟內脆嘅口感 😌
～～～
脆皖片鮮味得黎夠脆身 $68份量算幾多 下面仲有大量椰菜絲 可以加埋落去雞煲一齊滾 令到整個雞煲湯底都會變得清新 當湯底變得清澈嘅時候 再加埋索汁嘅稻庭烏冬同埋生菜入去滾一滾 令人心情好起來的晚餐就是這麼簡單💕
～～～
米走雞Deluxe (銅鑼灣)
銅鑼灣渣甸街50號渣甸中心3樓
张贴
