吞POT 雞煲火鍋.住家菜 (譽發廣場) (已結業)

今次同朋友去食雞煲，除咗好多款雞煲仲有火鍋可以揀，都幾多款式。我地揀咗辣酒花螺雞煲，$208，小辣，啲螺好新鮮，酒都好入味。啲雞好滑，唔會太老同un，都可以再辣啲，我地算食得辣，但都幾有味值得一讚既係佢唔會太咸，但又食到佢啲辣味。之後我地就咁加湯，再叫咗雪花牛肋片$198，好滑好嫩。再加響鈴$60，好大舊好抵食 必試既係佢啲手打丸，黑松露墨魚丸$102，物有所值，佢地仲有好多其他款既手打丸，其實都想試埋佢個黃金海膽黑墨魚丸同埋十全大寶丸，好似好好食咁。因爲食雞煲，一定要叫野飲，我地叫咗可樂$18、王老吉$20、同埋西柚特飲$36，杯西柚特飲好大杯，有塊檸檬，同埋飲落好清新，正依間真係好值得食，雞煲同出面果啲好唔同，份量再多啲就更好！