米線陣 (已結業)

呢間米線陣舖面好大，睇落好乾淨，一坐低就可以scan佢個QR code落單，都幾方便。我哋嗌咗一碗麻辣肥牛餃子王米線同埋一碗麻辣蕃茄雞脾肉貢丸米線。兩碗米線嘅份量都好多。肥牛大概有十幾片，雞肉就大概有六、七舊，餃子又好大隻，啲米線好似夾極都仲有咁。個人推介佢嘅麻辣蕃茄湯底，因為真係好好食，就算平時唔食蕃茄，都會接受到呢個湯底，辣得來又唔會話有蕃茄嘅酸味，夠哂過癮。如果怕湯底太辣，仲可以自己斟凍檸檬水解辣。希望下次可以試埋佢其他餸啦。