狂野麻神麻辣火鍋 (已結業)

前排天氣有d凍，所以同朋友去咗食麻辣火鍋，見到佢近排做緊優惠火鍋兩人餐有68 折，所以就入咗去試吓😉我哋叫咗鴛鴦鍋，可以兩個都試吓😌，我返低嚟到之後，職員就話叫我哋試吓就咁飲響螺花膠雞湯，飲得出佢係好濃郁，仲有花膠粒🤭，試完雞湯，就試佢嘅招牌麻辣鍋，飲咗一啖，覺得都唔係好辣，係可以接受嘅，同平時打麻辣火鍋有啲唔同😛，冇諗過麻辣湯底都可以飲🤣，仲有滑一滑嘅鴨血，正！前菜仲有啲醃蘿蔔，雲耳，仲有椒鹽豆腐，好脆口，食食吓仲有啲食唔停😉另外，牛肉拼盤嘅份量都唔少，而且牛肉嘅花紋都好靚，肉質鮮嫩，好高質👍🏻👍🏻另一驚喜就係海鮮拼盤，鮑魚同聖子都好大隻，啖啖肉，而且好新鮮😋仲有啲餃子同丸，質素都唔錯，食到咁上下我哋都有啲飽，所以就食埋個蔬菜拼盤同埋烏龍麵，烏龍麵吸晒麻辣湯嘅湯底，真係好正😋個set 包左兩大杯水果茶可以解渴😊，唔會好甜，仲有啲生果粒👍🏻