方叔叔重慶老火鍋 (渣甸中心)

話說小弟早前同朋友去銅鑼灣行街 經過渣甸中心見到有間方叔叔重慶老火鍋 就抱住好奇嘅心態上門拜訪方叔叔😆😆
去到舖頭發現佢哋午市有套餐 對於趕時間嘅朋友講價錢又實惠 又滿足飽肚 不過我當日時間充裕就慢慢睇單點嘢食 而且有好多疑問都有問當值員工 雖然見唔到方叔叔本人 不過樓面有兩位女士服務得非常有禮 又有耐性 主動同我哋推介一啲菜式 另外又幫我哋落鮮鴨血同蝦滑 雖然我哋嗰日叫嘅嘢食唔多 不過就享受到帝王式服務 埋單嗰時 佢哋亦都有推介會員優惠 令到我覺得原來係打邊爐性價比都可以咁高 我相信日後都會再黎本店用餐👍🏻👍🏻👍🏻