滷友記 (華都中心)

营业中

休息中

夜晚冇得堂食，唯有等埋朋友放工去荃灣行下街、食個下午茶啦。🛍招牌大滷麵 😋有金錢𦟌、陳皮魚蛋、豆腐、蘿蔔。😚 有4個湯底可以揀，我地見店名係滷友，梗係要食下佢嘅滷水湯啦。麵底我地揀咗上海麵。😝滷水湯底味道甘甘嘅好濃味。金錢𦟌好好食😋，牛肉味重， 軟硬適中。蘿蔔好腍，索哂滷水湯好入味。🥳麵嘅份量都幾多，2個女仔食啱啱好。🥰牛筋腩+豬大腸麻辣雙拼😍麻辣味好香，但唔會太辣，好易入口。🤩牛筋腩炆得好腍，配住麻辣醬好好味。😉椒鹽炸墨丸+貢丸雙拼雙丸好大粒。味道鹹鹹地。😊滷水溏心蛋軟軟嘅流心蛋黃，口感好好。🤠另外叫咗2個自家製飲品”陳皮冰糖燉檸檬(熱)” + “鮮檸檬薏米 (凍)”。🤤飲品唔會太甜又健康。