熊館 (已結業)

早排去開觀塘見到有間餐廳叫「熊館」，聽落個名幾得意所以去左幫襯下，原來依間係以麵食為主打嘅快餐店。四川水煮魚湯麵，依度嘅必食經典湯麵，麻辣湯底夠惹味、唔算太辣易入口，唔油膩，用魚湯加上花椒、八角、泡椒、蒜蓉、辣椒、香油製成；魚肉係龍脷魚，口感嫩滑、無骨，有魚味、又唔腥、夠入味，而且份量幾多；白麵麵條軟硬適中，口感彈牙，幾掛湯：豬紅好軟嫩，大豆芽好爽脆，兩款配料整體都唔錯。維維豆奶，甜豆漿混合牛奶嘅味道，用尼解辣、解渴都幾好。