麻辣派對 (瑞生酒店) (已結業)

今日收工同同事順便在尖沙咀覓食，剛巧經過加連威老道，見到《麻辣派對》既食店，有小菜🍲、涼菜、香鍋🥘辣子系列及烤魚等等食物，四川菜好似好吸引咁，於是就上去試試啦😙！餐廳內燈光昏暗，酒吧感覺，但餐桌係西餐廳擺設，環境感覺很有情調、浪漫💕！麻辣雞鍋＄168半隻雞的關係，所以分量唔多，但辣度選擇咗少辣，感覺剛剛好，加上有點芹菜、洋蔥、芫荽等多種配料，所以味道特別惹味😋！另外加咗＄78香辣豬手，4件大大件，肉質夠淋又入味，配白飯一流👍🏻👍🏻！芹香炒五素 $78營養價值高的秋葵，加上脆口的蓮藕片，爽口的木耳、青瓜、西芹，膳食纖維高之餘，麻油香味亦十足，清爽又清新👍🏻👍🏻！蜜語水果茶 $38大大杯，滿滿的水果，淡淡的茶香，消暑解膩，建議把所有水果先壓碎，茶味立刻充滿果香，更香甜開胃🍉🍊🥝！最後重有甜品送👏👏！