十三少 (已結業)

今日突然好想吃辣，約左friend去樂福新開嘅十三少食嘢，睇吓味道好唔好味。我哋嗌左午市套餐$338，一份水煮魚、蒜泥青瓜、滷豬手和紅糖糍粑。水煮魚一上檯，看到紅撲撲一層，覺得會好辣，不過直到食入口，先知道辣度啱啱好，不會太辣。魚肉又新鮮，好Q！薯粉吸收左辣油湯底嘅精華，煙煙韌韌麻麻辣辣，好好味。配料當然少不了芽菜，青瓜啦！慫飯超級正。蒜泥青瓜唔辣，脆脆甜甜。滷豬手，豬手燜得好淋，五香味好入味，超級好吃。分量又大，食得好滿足。飯後來個甜品，去下水煮魚啲油膩味，感覺都不錯。