滷友記 (加路連山道) (已結業)

滷水小店入面搵到驚喜麻辣湯底🍃呢間文青木系裝修台灣小店🌱價錢唔貴。麻辣三拼麵 $55揀咗豆腐、墨魚丸、蘿蔔、米線🍲上次淨係食過滷水湯底，今次抽起條筋試佢麻辣，令人眼前一亮🤩。麻香十足，鹹味適中，雖無辣度揀但好彩都夠溫和，略有藥材香味，重點係原來平時滷水入面嘅香料藥材味，八角之類，同麻辣味有相輔相乘嘅效果🥰。蘿蔔淋而帶啲上湯嘅清甜味道，米線夠滑。蕃茄三拼麵🍅$55揀咗蘿蔔、墨魚丸、雞翼、米粉個湯比較杰身，好濃蕃茄味，甜甜地，無平時車仔麵嘅地踎感覺。生炸大雞髀🍗$36雞髀夠大隻，切開咗三舊比我地易啲夾好貼心😆。炸得好靚，香口又帶點椒鹽味🎉推薦。飲品：凍檸茶（+$6）個茶有好香淳嘅紅茶味💕