麻辣風雲 (已結業)

麻辣風雲既晚市就食過幾次反而午市就未試過.原來佢地午市既選擇都幾多而且價格又合理.水煮牛肉充滿大量辣椒及紅油既水煮牛肉味道辣得黎又唔會過嗆口.牛肉唔會過韌,肉質都幾軟腍.水煮牛內既配料都好豐富,有芽菜,䈑筍,菇仲有紅薯寬粉！煙韌又充滿嚼勁既寬粉加上其他爽脆既配料令口感更豐富.四川擔擔麵擔擔麵上加上粒粒花生配上充滿花生醬風味既擔擔湯底,已經覺得好吸引！除左花生外亦有大量肉碎,擔擔湯底帶一陣花生甜味,湯湯帶出麻辣味.麻辣既湯底增加左麻香及辛香,帶出刺激感.滑溜既麵條吸哂花生麻辣湯既精華,同時掛湯力同樣強.